နေပြည်တော်၊စက်တင်ဘာ ၁၈-၂၀၁၉
ဒီပ(နေပြည်တော်)
ပြည်တွင်းပြည်ပက ထုတ်လုပ်တင်သွင်း ရောင်းချနေတဲ့ လျှပ်စစ်ပစ္စည်းရဲ့ အရည်အသွေး ညံ့ဖျင်းမှုများကြောင့် သုံးစွဲသူများ ထိခိုက်နစ်နာနေမှုအပေါ် စံချိန်စံညွှန်းဆိုင်ရာများနဲ့ ပတ်သက်ပြီး မည်ကဲ့သို့ လုပ်ဆောင်နေကြောင်း ဒီကနေ့ ပြုလုပ်ခဲ့တဲ့ အမျိုးလွှတ်တော် အစည်းအဝေးမှာ လွှတ်တော်ကိုယ်စားလှယ် ဦးထွန်းထွန်းဦးက မေးခွန်းထုတ်ခဲ့ပါတယ်။
“မြန်မာနိူင်ငံအတွင်းမှာ ထုတ်လုပ်တင်သွင်း ရောင်းချနေသော လျှပ်စစ်ပစ္စည်း ကိရိယာအများစုမှာ သတ်မှတ်စံချိန် စံညွှန်းများနဲ့ ကိုက်ညီမှုမရှိပဲ အရည်အသွေး ညံ့ဖျင်းကြတာများပါတယ် ထိုပစ္စည်းများ ၀ယ်ယူအသုံးပြုသူများအနေနဲ့ မီးလောင်မှုဖြစ်ခြင်း ဓာတ်လိုက်သေဆုံးမှုများ မကြာခဏ ဖြစ်ပေါ်နေတာကြောင့် သုံးစွဲသူများမှာ ထိခိုက်နစ်နာနေရပါတယ်”လို့ အမျိုးသား လွှတ်တော်ကိုယ်စားလှယ် ဦးထွန်းထွန်းဦးက ပြောပါတယ်။
ဒါ့အပြင် ၂၀၁၄ခုနှစ် လျှပ်စစ်ဥပဒေ ပြဌာန်းချက်များအရ ပြည်တွင်းပြည်ပက ထုတ်လုပ်ဖြန့်ဖြူး ရောင်းချနေသော လျှပ်စစ်ပစ္စည်း ကိရိယာများနဲ့ ပတ်သက်ပြီး အရည်အသွေးနဲ့ စံချိန်စံညွှန်းဆိုင်ရာ ကိစ္စရပ်တို့ကို စစ်ဆေးဆောင်ရွက်ရမည်ဖြစ်ပြီး စစ်ဆေးရေးမှုးချုပ်ရဲ့ လုပ်ငန်းတာဝန်များတွင်လည်း လျှပ်စစ်ဆိုင်ရာ ပစ္စည်းကိရိယာများရဲ့ အရည်အသွေးကို စစ်ဆေးခြင်းဆိုသည်မှာ ပါဝင်ကြောင်း ဦးထွန်းထွန်းဦးက ထောက်ပြပြောဆိုခဲ့ပါတယ်။
“စံချိန်စံညွှန်း သတ်မှတ်တဲ့နေရာမှာ မဖြစ်မနေ လိုက်နာရမယ့် စံချိန်စံညွှန်းများနဲ့ ဆန္ဒအလျောက် လိုက်နာရမယ့် စံချိန်စံညွှန်းများဆိုပြီး နှစ်ပိုင်းခွဲထားပါတယ် လက်ရှိအချိန်မှာတော့ ဆန္ဒအလျောက် လိုက်နာနိူင်သည့် စံချိန်စံညွှန်းများကိုသာ သတ်မှတ်ထားပြီး “မဖြစ်မနေ လိုက်နာရမည့် စံချိန်စံညွှန်းများ”သတ်မှတ်နိူင်ရေးအတွက် အမျိုးသား စံချိန်စံညွှန်းကောင်စီက စီစဉ်လျက်ရှိပါတယ်”လို့ စက်မှုဝန်ကြီးဌာန ဒုတိယ၀န်ကြီးဖြစ်သူ ဒေါက်တာမင်းရဲပိုင်ဟိန်းက ပြောပါတယ်။
လျှပ်စစ်ဥပဒေ ပုဒ်မ(၃၄)အရ လျှပ်စစ်ဆိုင်ရာလုပ်ငန်းနဲ့ လျှပ်စစ်ဆိုင်ရာပစ္စည်း ကိရိယာများရဲ့ အရည်အသွေး စစ်ဆေးခြင်းလုပ်ငန်းများ ဆောင်ရွက်ရန်အတွက် ပြည်တွင်းမှာ နိူင်ငံတကာအဆင့်မီ ဓာတ်ခွဲခန်းများ တည်ထောင်ဖွင့်လှစ်နိူင်ရေးအပြင် တိုင်းတာစမ်းသပ်ရေး ကိရိယာများ ၀ယ်ယူဖြည့်တင်းရေးအတွက်လည်း စီမံလျက်ရှိတယ်လို့ ဒုဝန်ကြီးကဆိုခဲ့ပါတယ်။
မဖြစ်မနေ လိုက်နာရမယ့် စံချိန်စံညွှန်းများ သတ်မှတ်ပြဌာန်းပြီးပါက လက်ရှိကျင့်သုံးနေတဲ့ လျှပ်စစ်စစ်ဆေးရေးဆိုင်ရာ လုပ်ထုံးလုပ်နည်းများ ပြင်ဆင်ဖြည့်စွက်ပြီး လျှပ်စစ်ပစ္စည်းများကို စနစ်တကျ မှတ်ပုံတင်စေခြင်း၊ လက်မှတ်ထုတ်ပေးခြင်းနဲ့ စစ်ဆေးအရေးယူမှုများကို ဌာနဆိုင်ရာများနဲ့ ပူးပေါင်းဆောင်ရွက် သွားမယ်လို့လည်း ဒုတိယ၀န်ကြီးက လွှတ်တော်မှာ ပြောကြားခဲ့ပါတယ်။
#voiceofmyanmar #ဦးထွန်းထွန်းဦး #ဒေါက်တာမင်းရဲပိုင်ဟိန်း #လျှပ်စစ်ပစ္စည်း
